SHIRIKI MAZOEZI MARA KWA MARA UEPUKE KUJICHUKIA NA UPUNGUZE GHARAMA YA KUTAFUTA UREMBO.

Leo tutazungumzia kuhusu urembo au muonekano(shape)

Kila mtu anapenda aonekane mzuri machoni mwa jamii iliomzunguka.uzuri ni maana pana au ina mambo mengi sana  ila nitaelezea kwa uchache tu kama vile uzuri wa ngozi na muonekano wa umbo (shape).Bila shaka unaweza kua shahidi kwa namna moja ama nyingine tunashudia serikali yetu pendwa  ikitumia nguvu kubwa kukataza na kupiga vita wananchi wake wasitumie vipodozi  na madawa mengine yenye viambata vyenye sumu kwa lengo la kutaka urembo.ila kwa bahati mbaya pamoja na kutumia nguvu kubwa lakini bado wananchi walengwa hawaoni au kutii amri ya serikali kuacha kutumia bidhaa hizo.japo serikali imewalenga zaidi wafanya biashara wanaouza bidhaa hizo.wakati walengwa wakiendelea kutafuta bidhaa hizo kwa hali na gharama yeyote ile ili watumiekama nilivyosema kila mmoja  anatamani urembo kwa hiyo watu walio wengi  wanapenda matokeo ya haraka bila kujali kama njia wanayoitumia ni sahihi au la.kwa kifupi watu wanapenda kutumia njia  ya mkato.mwenyezi mungu ametuumba tofauti tofauti kwa maksudi yake wala hajafanya makosa katika hilo.ninamaanisha kuwa kuna wanene,wembamba,wafupi,warefu,weupe,weusi,maji ya kunde nk.sawa na hali nilizorodhesha hapo juu kila mmoja ajijue yupo kwenye kundi gani. hatmae usimame kwenye kioo na ujiangalie hatmae umshukuru sana mwenyezi mungu na kumpa sifa lukuki kwa kukuumba  hivyo ulivyo  ikiwezekana piga na vigele gele kuonyesha furaha yako. Kwani wewe hivyo ulivyo ni mrembo na mzuri endapo tu utafuata njia sahihi na salama .ila kinyume chake watu walio wengi wanajichukia na kutokujikubali kujiona hivyo walivyo na kutamani shape na rangi ya watu wengine. na kupelekea kutumia gharama kubwa kwa kununua  vipodozi au madawa yenye viambata vyenye sumu na kuharibu afya zao.mwili wa mwanadamu sio sawa na chuma unataratibu zake namna ya kuufanya uwe na muonekano mzuri kuanzia (shape)umbo,ngozi .nk .chuma unaweza ukakiokota vichakani ukaamua kionekane kipya kwa kupaka rangi .wakati mwili ili ngozi ionekane vizuri inanzia ndani ya mwili hadi nje ya mwili walio wengi wanakazania  muonekano wa nje tu bila kuanzia ndani .njia ya kua na muonekano mzuri ni rahisi sana wala haina gharama ni kufanya mazoezi ya viungo tu.kwani unapofanya mazoezi faida yake ni kubwa  na nyingi japo leo tunazungumzia kuhusu urembo tu.

MAZOEZI YANA FANYAJE KAZI KWENYE UREMBO WA NGOZI?

Mazoezi yanasaidia sana kwenye urembo wa ngozi .kwani unapofanya mazoezi  na kutoa jasho inafungua vinyweleo au vitundu vidogo vilivyo kwenye ngozi na kupelekea kusaidia ngozi kua katika muonekano mzuri,sababu ya pili utahitaji kunywa maji mengi  kwani unaposhiriki mazoezi hupelekea kua na uhitaji mkubwa wa maji (KIU)na unapokunywa maji mengi inasaidia kua na afya ya ngozi,sababu ya tatu ni kwamba mwenyezi mungu ametupatia aina nyingi ya chakula na kila chakula kina fanya kazi yake katika mwili wa mwanadamu .unapofanya mazoezi husaidia kuharakisha mwendo wa chakula ambacho kimepangwa kifanye kazi katika eneo la ngozi.sababu zipo nyingi ila kwa hizo chache nilizozitaja inaonyesha picha kiasi gani umuhimu wa mazoezi kwa watu wote wanawake kwa wanaume

MAZOEZI YANAFANYAJE KAZI KUTENGENEZA  UMBO(SHAPE)

Mazoezi yanafanya kazi moja ambayo naweza kuiiita ya ajabu sana.kwani yanaongeza mwili lakini pia yanapunguza mwili kwa wakati mmoja kutegemeana na mtu alivyo yaani ni mnene au mwembamba.kwa kifupi yanamuacha mtu asili alionayo

Mfano;kama mtu asili yake ni mnene alafu hafanyi mazoezi  atakua mnene zaidi .akishiriki mazoezi mara kwa mara itapunguza ziada aliyonayo atabaki na unene wa asili yake na kupelekea kua mwepesi na ukakamavu na kuongeza nguvu nk.hivyo hawezi kujichukia mwenyewe kwani  sisi wote ni  mashahidi  mtu akiwa mnene hua anaitwa majina mengi yenye kuudhi na yasiofaa kama vile huitwa  minyama uzembe,bonge,na mengi mengineyo yasiyofaa kuandikwa .kwa hiyo majina ya hovyo anayoitwa ukijumlisha na udhaifu alionao hupelekea kujichukia na kutamani umbo la mtu  mwingine na kulaani alivyo

Mfano mwingine;kama mtu ni mwembamba halafu hauna kawaida ya kushiriki mazoezi unakua mwembamba zaidi .ukishiriki mazoezi mara kwa mara unaongezeka mwili(unene) japo huwezi kunenepa kufikia hatua ya kuonekana bonge. Kwa hiyo hutoitwa tena majina ya hovyo na ya kuudhi kama vile mchongoma,kimbaumbau nk.na kupelekea kuijichukia na kulaani umbile ulilonalo .fanya mazoezi uwe na umbo (SHAPE) ya kuvutia  pia upate na faida zingine za afya.ZINDUKA…..ZINDUKA…..ZINDUKA…… MAMA SAMIA SULUHU  AMEKUZINDUA